官恩娜（Ella）日前撇低男友與DJ阿Lu為電台節目《甜心家族》勇闖迪士尼的鬼屋，聲稱冇有怕的Ella興奮到四處拍照，不過走入鬼屋即被嚇窒：「入到去好驚，個氣氛好寒，我咪扯實助手衫尾行，黑麻麻睇唔到嘢，突然又有幾隻鬼喺戲院度彈出嚟，錄緊音都忍唔住尖叫！」其後Ella到紀念品店掃貨：「我媽咪鍾意食呢度嘅魷魚絲，要掃一大堆返去畀佢。（男朋友呢？）唔使啦！遲啲睇吓會唔會帶佢嚟玩吓！」
Ella（右）和DJ阿Lu入到鬼屋時十分驚慌。
Ella攬住幾乎一比一的Jack公仔即興起舞。
