老公亂爆做愛千嬅：佢死梗
剛由內地返港的楊千嬅，隨即到電台宣傳。對於老公丁子高的「做愛不戴套」言論，千嬅以「係咪Short咗」及「黐咗線」來形容他，笑言返家會向老公問罪：「講埋啲咁得人驚說話，激死我喇！佢今晚實死梗，鬧死佢。」提到助手再度報喜，千嬅說：「我啲旺氣過晒畀助手！（丁子高仲話研究體位？）佢喺咩活動講？係都留番我個記者會先講啦！成日亂噏嘢。」她坦言昨晨做運動時已覺得老公有點怪：「係咁笑咪咪，都覺得怪怪哋，重陽節做乜係咁對住我笑。（丁生話想生龍女龍仔？）未必趕得切，最緊要BB健康，依家最想放假休息，心情緊要過『自由體操』。」
楊千嬅指老公亂噏性趣「黐咗線」，返家要好好炮製他！