男友知名度低娜姐祝陳靜好運
陳靜拍拖斷正，新歡兼無綫藝員李雨陽的知名度相對比她低，過來人周秀娜聞言表示：「係咩？爆出嚟喇？恭喜佢同祝佢哋好運！」她不吝嗇分享與男友Avis（陳偉成）相處之道：「我覺得男友知名度大過我喎！佢髮型屋大把Fans！其實壓力係自己去解決，我哋嘅相處之道就係少啲見，咁每次見就有新鮮感！」
另一方面，於新片《猛鬼愛情故事》再與羅仲謙合作的娜姐，談到一場殯儀館戲，她直言看到自己的「遺照」都心寒，並向導演攞利是，又表示不會讓男友看到，她說：「佢瞓我隔籬，驚嚇親佢。同羅仲謙上次合作欲仙欲死，今次就肉酸到死。」至於角色兇悍的謙仔坦言，拍攝時碰巧發生與傅穎的涉打事件，他不擔心被定型。
娜姐自爆與男友相處，最緊要保持新鮮感。
Avis與娜姐戀情曝光後，曾以情侶檔搵銀。（資料圖片）
謙仔開心再與娜姐合作，但問到有否聯絡傅穎，只說在心中。