杏兒呷醋搵記者(目及)實Bosco

胡杏兒和李詩韻昨日拍攝爭佬場面，雙雙跌落泳池變落湯雞，自認疑心重的杏兒坦言男友如有出軌實難逃她的法眼，至於黃宗澤（Bosco）有否「偷食」則多得傳媒幫忙看實。

無綫藝人胡杏兒和李詩韻昨日清晨到深井拍攝新劇《玩樂無窮》，連日天氣明顯轉涼，加上有幾陣微雨，兩人不用埋位時要披上外套禦寒，卻被安排拍落水戲，難怪杏兒笑說：「永遠都係咁，夏天拍冬天戲，天氣涼先嚟落水囉！」

凍到打冷震

戲中杏兒和詩韻在高科技網站幫助下對調身份，卻演變成「懷疑爭佬」事件，兩人在泳池邊互相拉扯，結果先後墮水。穿上五吋高跟鞋的杏兒先被詩韻推落水，水花四濺之後，杏兒大叫：「撼親！」工作人員馬上停機看個究竟，懷疑其膝頭撞向池底，但專業的杏兒堅持繼續拍攝，更捉實岸邊的詩韻，硬生生拖其下水，詩韻落水後明顯難抵寒冷，牙關不停打震，但仍擺出多個甫士。

自認疑心重

戲中懷疑丈夫李思捷有外遇的杏兒坦言現實中亦是疑心重的人：「我天蠍座，都幾敏感，有乜嘢都逃唔過我法眼！以前有男友臨分手有第二個畀我知道，最後都係分咗手。（咁黃宗澤有冇試過呀？）唔知點答喎！有你哋幫手都好啲嘅。（佢係咪有好多狂蜂浪蝶？）冇問呀，可能太多。」

此外，杏兒昨日到機場禁區，為無綫明年的重頭劇《衝上雲霄Ⅱ》拍節目巡禮。杏兒在第二集中坐在輪椅上由林峯推着，相信其角色會有新的發揮。