賭王三太陳婉珍與千金何超雲昨日出席義賣記者會，她們事前已捐了數箱衣物，三太又即場將身上由超雲設計的頸鏈及手鏈捐出。問到會否叫男友陳山聰捐舊衫？超雲說：「冇。（叫佢買番你捐出嘅衣物﹖）睇吓佢會唔會。」對於有傳山聰與好友伍詠薇反目，超雲力撐男友：「我相信男友知道自己做緊乜，佢Handle到。（佢哋反目﹖）知有呢件事，冇詳細了解。（山聰唔開心﹖）冇。」問到有人以負面字眼作出批評，對男友百分百信任的超雲表示不作評論。
超雲細心地為媽咪陳婉珍除下頸鏈。
