祖兒新碟雙白金感動到喊
容祖兒為慶祝新碟突破三萬張銷量，昨日假101層樓高的酒家舉行祝捷會，穿上魚網背心露黑Bra的她，除獲香港唱片商會主席江國平送上雙白金外，更獲英皇集團行政總裁吳雨送贈結他Pick，祖兒接過手後，感動得熱淚盈眶，她說：「真係好耐冇試過咁好反應！之前擔心唱片反應，困擾咗幾個月，今次可以講放下心頭大石。」她強調雖然面對非法下載，但新碟仍得到好口碑，她說：「今次回響力好大，係我入行最滿意嘅一張碟。（公司獎你放長假？）之前放咗，又教我知道人係需要放假清洗腦筋！」
此外，祖兒笑言有意到西班牙旅行，問到是否想效法梁詠琪旅行識當地男？她說：「我未必適合老外。（富二代？）唔可以迷，對感情唔太認真。」
祖兒新碟大賣，獲頒雙白金唱片。
祖兒在祝捷會上，開香檳慶祝，既開心又感動。