祖兒救《勁歌》任玩唔嬲
容祖兒昨日為新碟舉行簽名會，吸引逾百名歌迷到場支持。她表示不介意與「密友」亮相《勁歌》救亡，更建議該節目加插遊戲環節。
祖兒昨日在其代言的電器舖外舉行簽名會，逾百名歌迷支持，除乘坐輪椅的傷殘人士外，更有一名來自澳門的歌迷拉着一篋69張唱片給她簽名，令她既驚且喜！
家電贊助益密友
祖兒透露獲廣告商贊助不少家庭用品，連身邊的親友及「密友」亦受惠：「之前有朋友搬屋，佢畀咗成張清單我！」提到無綫為了救亡而將《勁歌》年輕化，並計劃邀「有話題」的嘉賓亮相節目，她坦言不介意跟「密友」上《勁歌》：「但要問公司肯唔肯，公司唔同我哋諗得咁單純同簡單，我亦唔想令佢哋擔心同增添煩惱！」
祖兒又建議無綫《勁歌》可倣效台灣某綜藝節目，加插遊戲環節令節目更加豐富：「變幻才是永恒！台灣節目搵啲歌手上去，考佢哋唱八十年代嘅歌或新歌！（咁會令歌手出醜？）咁要反省同補救，真係唔得就會畀人Foul出局啦！」
祖兒坦言願與「密友」亮相《勁歌》救亡。
祖兒舉行簽名會，吸引大批歌迷支持。
有歌迷拉着一篋唱片給祖兒簽名，並送上禮物。