黃浩然：冇收到王維基電話。（咁你會唔會走？）唔會！其實人人計條數都唔同，無綫好「入屋」又好多人睇！（你條數係無綫好啲？）係！上年開始畀好多機會，我唔求財。
羽翹：其實除咗歌手合約之外，我仲啱啱簽咗無綫藝員合約，稍後為公司擔任一個26集嘅節目主持工作，當然希望多啲不同工作機會。
鄭欣宜：冇收到王維基電話！（同無綫有歌手合約續唔續？）唔清楚合約，都係老闆傾！（無綫缺姐仔係上位機會？）我飲無綫奶水大，佢真係個不俗嘅平台，好「入屋」。
阮兆祥：出面開始有傾吓啲合約，公司都開始傾。（無綫加人工？）我啱啱初步傾啫！但我唔會走住，工作排到出年。我留低機會大，做熟好過做生。