六嬸點名留人馬浚偉乘機伸冤

無綫最近面對種種內憂外患，掌舵人六嬸方逸華終出手救亡，為免心灰的馬浚偉變節他投，有傳她已親自點名挽留馬浚偉，並下聖旨促令「三巨頭」平亂留人，馬浚偉即乘機伸冤！

突然刮起一場挖角風暴，令無綫陣腳大亂！「電訊魔童」王維基以電話攻勢密斟無綫台前幕後精英，身為無綫掌舵人的六嬸即時出招，據知已下密令「三巨頭」梁乃鵬、陳志雲與李寶安平亂留人。有鑑馬浚偉多番暗示做到心灰意冷想離巢，六嬸深知人才不可失，破天荒「落Order」要馬浚偉留低。

楊怡認收挖角電話

其實早在09年，馬浚偉曾萌去意拒續約，當時無綫安排主持及唱歌等新工作，讓他作多方面發展。事隔不夠兩年，他再暗示仍被忽略，離心早種。不過，據知六嬸有留意他主持的《大廚出馬》、《正識第一》及主演的《紫禁驚雷》，覺得是可造之才，面對如今無綫人人喊走，多家電視台更有意向他招手，故她罕有地叮囑梁乃鵬、陳志雲與李寶安想辦法留低馬浚偉，並要為藝員逃亡潮止血。

有傳馬浚偉曾在飯局向梁乃鵬哭訴受盡冤屈，痛陳無綫利弊。他接受訪問時承認曾去高層飯局，提到六嬸點名挽留，他說：「我都冇聽過喎！如果係會好開心，多謝方姐！（係咪喺飯局喊過？）當時有飲少少酒，主要講有關公司嘅感受，希望公司做好啲同鼓勵同事。」問到是否仍有冤屈，馬浚偉說：「我同梁生（梁乃鵬）講過唔好擺我啲劇落炮灰檔囉！當時唔係喊，只係感觸落淚。」他又表示仍在拍劇，未得閒跟志雲談續約：「我嘅未來要好好去諗！」

鑑於王維基採用電話挖角攻勢，如今已「蔓延」至一線小生花旦！楊怡昨日坦承收過挖角電話，但未有實質傾談，問是否給她做一姐才肯過檔？她笑說：「乜我唔係TVB一姐咩？講笑咋！錢好短暫，要睇長線。」至於黃宗澤卻表示沒有收過電話：「可能知我同TVB仲有好幾年約啦！」反觀已離開無綫的廖碧兒繼與now接觸後，私下亦曾與王維基接觸，並且快將簽約，她說：「依家冇乜可以講，所有都交畀經理人去安排。」對於六嬸挽留馬浚偉一事，志雲至截稿前仍未回覆。