鬼古警惕世人
話分兩頭，何故指很多東南亞的鬼古未必真有其事，很可能是以訛傳訛，給世人一個警惕，他說：「東南亞的確係有好多古怪事發生，大家已先入為主覺得東南亞古靈精怪。但從一個心理學角度睇，呢啲環境講古係容易令人接受。可能係有呢件事，但唔係無頭命案，又或者唔係有疑似女鬼喺車頂，而可能係一對夫婦畀人打劫，發生劫殺案；我亦唔排除當地仲有獵頭族，攞戰利品跳上車頂，亦不足為奇。」
何故認為，這傳聞或是給人們外遊的一個警惕，像《格林童話》般用故事去帶出訊息：「之前成日有人話，一對夫婦去咗深圳玩，個老婆畀人劏肚攞個腎出嚟，但以香港嘅傳媒性格，冇可能唔報道出嚟！之後先知原來係假嘅，只係想叫香港人返內地要小心！」
