星級至愛
意大利奶凍(A)$18-$22
「呢個甜品除咗有雲呢拿牛奶味外,仲有炭燒咖啡味同Bailey甜酒味,我最鍾意Bailey味,品嘗到呢隻酒嘅甜味之餘又唔會醉!老闆話啲忌廉同牛奶嚟自法國同新西蘭,無添加,好健康。」
金枝玉葉(B)$26
「杧果味好濃好香,老闆話用咗特大呂宋杧,配料西米爽口,龍眼鮮甜,再加楊枝金露汁底甜而不膩,真係好啱夏天食。我知道呢款甜品係店裏面最好賣嘅甜品之一,高峰期日賣近百碗,而我每次嚟都一定會幫襯。」
星級推介
蜜糖黑松露糕(A)$44(十件)
「我知道黑松露通常都係鹹食,估唔到可以用嚟整甜品。呢個糕點個口感同味道都好豐富,除咗有黑松露啫喱外,仲有香滑嘅椰汁同用蜜糖浸過嘅黑松露片,食落除咗有滿口菇香外,仲好甜蜜。」
宇治金時(B)$28
「抹茶係我同好多女士嘅至愛,而呢隻宇治金時更加係京都嘅名物,特別有茶香。呢個甜品除咗有綠茶雪糕外,仲加埋即製刨冰、大大粒紅豆同纖維果,食落口又香又飽肚,唔怪得之老闆話好受學生哥歡迎啦!」
(A):2363 8700 (B):2383 3102
意大利奶凍
金枝玉葉
蜜糖黑松露糕
宇治金時