容祖兒（Joey）昨日到電台宣傳新碟，提到陳奕迅（Eason）睇好尹光與朱咪咪勇奪「最受歡迎男女歌手獎」，Joey說：「佢成日都亂噏！（唔畀面你喎！）佢試過得罪我畀我鬧，喺我面前笠晒水，依家講嘢放肆咗！不過佢係男人，畀番個薄面佢啦！」她又提起Eason的腳傷：「兩隻腳都整親，冇腳行口架喇喎！用手行呀？」她透露將於10月開拍的新片出動歷年個唱戰衣：「下月開拍。（賀歲片呢？）未落實，大家都覺得我搞笑，接（吳）君如棒。」
Joey笑言新碟以波浪形設計，能當洗衫板用。
