周慧敏前晚與張敬軒、官恩娜及關心妍等出席活動，她表示現時以休息為主，並忙於湊家中的貓BB，她說：「屋企依家有七隻貓，好緊張，要睇實啲！」至於張敬軒則透露其父曾受到歧視：「爸爸以前係公務員，因為隻腳有輕微小兒麻痹，所以屬於傷健人士，晉升機會較少。本來我哋級別應住約700呎嘅宿舍，但分得300呎，媽咪睇唔過眼，同上級理論先換番！」
周慧敏（左）與官恩娜出席活動，為傷健人士打氣。
