將於明年1月拉埋天窗的范振鋒與李思欣早前影結婚相，范振鋒坦言曾與舊愛影過，但今次感覺極不同：「以前好造作，錫都尷尬！但今次就自動自覺，話咀就咀，好自然！」至於思欣則表示結婚當日的婚紗會度身訂造，問到老公有否禁止她性感，她甜笑說：「佢都唔係咁想，影相嗰陣，佢都不時叫我整番高件婚紗！」談及拍拖不夠一年便結婚，思欣坦言亦覺得快，但忍不住大讚老公：「佢係可以付託終生嘅人！佢好錫我家人，好有責任心，唔會同女仔單獨出街，同朋友去街都帶埋我，好有安全感！」
李思欣與范振鋒拍婚照時由早影到晚，但笑容依然甜到漏。
煙韌爆的李思欣與范振鋒，自動波變「接吻魚」。
