Stephy明撐暗踩寸傅穎衰衝動

傅穎於生日前夕發表千字文懺悔，企圖收復失地，與她屢傳不和的鄧麗欣前晚出席活動時，直指對方為人衝動，希望她諗通後，可找到新方向！

鄧麗欣（Stephy）前晚偕江若琳及模特兒Ana R.等出席品牌Kate Spade的活動，與傅穎屢傳不和的她，坦言彼此沒有聯絡，而她亦沒有祝對方生日快樂。談及傅穎的懺悔千字文，Stephy說：「可能佢想趁生日分享心聲，希望佢經一事長一智！（覺得傅穎好衝動？）佢份人一向幾直接，係有少少衝動，但每個人都會有錯，最緊要係知道未來點處理好就OK。」

雖然二人一直被視為勁敵，但Stephy大方祝福傅穎：「佢係聰明嘅女仔，希望佢諗通同埋有新方向。（佢被打係咪遇人不淑？）唔評論，過咗去唔好再提。」

江若琳肥到閉關

至於江若琳早前為配合新片的舉重選手角色而增肥20磅，她笑言當時肥到不敢出街，談及有傳內地以「限娛令」限制港、台藝人亮相內地節目，她說：「如果係真，希望快啲解封，因為內地市場真係好大。」B:名人組