陳鈺芸棄扮公主除娘味

唱作歌手陳鈺芸（JuJu）近日正籌備推出首張EP，拍攝造型照當日，獲造型師安排穿着橙色短裙，盡展迷人長腿，惟美中不足是埋沒其事業線。

問到是否滿意新造型？JuJu說：「其實我最鍾意着粉紅色衫，好似公主打扮，但啲朋友笑我係咪扮Hello Kitty喎！」她還透露自小在外國長大，深受外國人隨意打扮的影響，返港後被嘲品味「娘」，惟有勤看潮流雜誌及請教有品味的好友，希望早日脫離「老土」行列，但最令她不捨是棄扮公主：「就係要戒着粉紅色衫同扮公主囉！（有冇公主病？）梗係冇啦！只係我係孻女，屋企人特別錫我，視我為公主啫！」

陳鈺芸笑言為學做潮流型女，棄扮「娘爆」公主。