石詠莉轉「露」線從良賺人仔

前女子組合Freeze成員石詠莉擁有34C魔鬼身材，為配合組合，一直行性感路線，解散後她於年初單飛外闖，一改形象Sell青春，再攻內地市場。

最近石詠莉初試啼聲，為《3D肉蒲團之極樂寶鑑》唱《極樂》主題曲。推出後，她收集意見後得知內地歌迷要求高，故急急裝備自己，先練普通話，再學結他及小提琴，繼而學樂理，務求「周身刀、張張利」。雖然《肉》片未能在內地上映，但仍在「地下」熱播，更帶挈歌曲風行，令她信心大增。

博多鋪免留憾

問到樣樣都學，如何保持走青春路線？石詠莉充滿信心地說：「我可以唔再濃妝，回復清純面貌，以真我示人！以前我要配合其餘兩位成員一齊行性感，但依家我要收起咪咪，賣腳不賣胸，唔似以前咁坦蕩蕩，依家要收斂吓！」重新建立形象再踏征途，問到可有壓力？她說：「以前反而有，依家冇！以前夾硬扮成熟，好似細路扮大人，其實我嘅性格好細路女，平時傻吓傻吓，講嘢又坦白，粉絲都話過想我笑多啲，所以做番自己反而輕鬆得多。」

石詠莉自言曾憧憬24歲結婚，如今「好夢未圓」又上征途，她說：「夢想同理想係兩回事，既然依家有機會，我好多嘢未試過，想喺毫無壓力下再試一次，得失與否都唔會留遺憾。」