Monna剝到2012

o靚模「混血E神」林宜芝（Monna）及「爆E超蓮」鍾采羲（Iris）人前攬頭攬頸，但原來面和心不和，Monna成功跑出有份推出2012年曆，揚言會去到盡，爭輸的Iris則表明唔拍年曆仍有大把Job做！

陳靜（DaDa）師妹「爆E超蓮」Iris及「混血E神」Monna早前推出雙封面寫真集鬥銷量，看誰的封面賣得多便有機會於年底推出性感年曆搵錢搶人氣。雖然兩人十足一對好姊妹，經常孖住工作搵銀，早前又結伴到內地打碟，但據知因爭出年曆一事，令姊妹關係變差，實是面和心不和！

今次同門內訌最終由Monna跑出，其封面寫真銷量揮低Iris，順理成章能於年底推出個人年曆，她風騷地說︰「冇話打唔打低（Iris）嘅，多謝Fans支持，佢哋鍾意我做封面本寫真，梗係開心啦！」她表示還未決定年曆的造型，只希望有新突破，問會否學師姐DaDa玩足52個造型？她說︰「唔想Copy佢，要有新嘢，但一定唔會得52個造型咁少。」

堅守三點底線

早前「三點不露」接拍三級片的Monna，問到會否進一步大解放？她揚言年曆會搏到盡，尺度比之前更激︰「想行可愛性感路線，第一次出個人產品，一定會更激！如果影得靚，騷咪咪冇問題，但一定要力保三點。」

另一邊廂，在年曆爭奪戰中落敗的Iris，口口聲聲表示不會因此與Monna不和，並自信公司會為她安排其他工作︰「唔嬲，公司對個個都公平，唔拍年曆都有其他嘢出囉！」