青春o靚模組合冬甩成員陳芷敏（Elke）雖身形苗條，但原來十分為食，不介意跑到老遠歎美食！不過，她笑言最近增磅不少，因即將拍攝月曆，故要節制胃口及多做運動減磅：「之前都有游水，但其實我唔識游水，淨係浸水咋！要諗諗辦法減肥喇！」
不過，對台式小食情有獨鍾的Elke，日前到荃灣「掃街」，完全忘記減肥計劃，狂擦鹽酥雞、花枝丸及炸蝦天婦羅等，更誇張得連喝兩杯特色飲品！她說：「我唔介意周街搵食，唔怕熱，有時會發現好多『寶物』，最好有得坐，可以同朋友坐低傾吓偈消磨時間。」
Elke讚台式小吃惹味可口，好食都停唔到口。
Elke又飲又食滿足而回，暫時忘記減磅。
