何紫綸真空上陣籌款抗癌

模特兒何紫綸將獻出第一次，真空上陣影性感相集，幫助癌症基金籌款。本來用乳貼及Nude Bra作遮掩的她，最後豁出去真空上陣，打算留下一個美好回憶。

在模特兒界打滾多年的何紫綸（Ann），雖然擁有標準高瘦的Model身形，但卻沒有可跟胸模一較高下的大咪咪。不過，癌症基金正正睇中其正氣形象，合作推出相集籌款，背後還有一個感人故事，Ann說：「因為家人曾經患癌，我體會到嗰種痛苦同壓力，癌症病人化療好辛苦，睇住親人頭髮一撮撮咁甩，所以好想用新時代女性身份，呼籲大家注意健康。」

相集中，Ann展示名模級的高層次性感，雖然不是性感戰衣，但仍真空上陣：「我一直都想有呢啲性感演出，成件事好藝術，畀自己一個回憶，大膽程度係真空上陣。」她透露最初有用乳貼遮掩，又將Nude Bra剪細，但出來效果不太自然，故最後決定豁出去：「起初都有少少尷尬，因為合作夥伴全部男人，我又好怕醜，後尾攝影師清場，我就好自然，影到好靚。」

拒跟胸模比較

性感上陣的Ann，堅拒跟o靚模比較：「我堅持性感都要高檔啲，好過坦蕩蕩露毛、坦蕩蕩着T-back，呢啲唔係真係叫靚囉！好多人問我點解唔喺書展搞，係咪驚身材唔好，其實癌症基金搵我係唔想書展出，焦點去晒模，第二日冇人記得好嘥氣。」Ann自言重視這本處女相集，無論取景、服裝均堅持香港製造，希望以本土靚景靚衫打造成她的Fashion Icon。