Eason慘遭大姐明抽水

陳奕迅（Eason）前晚為舞台劇《蝦仔爹哋》第二場擔任特別嘉賓，甫出場即惹來全場歡呼，獻唱《苦瓜》的他一度甩嘴，但未有影響其後演出，林建明（大姐明）更趁機又錫又摸，公然抽水！笑到跪地的Eason被盧海鵬寸：「點解你個髮型師吹到你個頭歪晒？條褲又好似瀨屎咁嘅？」令他哭笑不得，不過他亦發放笑彈：「我細個學識一句嘢，『得閒唱吓K，唔會變瘌痢』！」

早前傳出患重病的羅慧娟亦精神奕奕地偕陳法蓉捧場，她說：「我晚晚都有買飛呀！畀唔同嘅朋友嚟睇。（依家仲有冇戲癮？）我覺得依家唔識做戲咁。」

陳奕迅於台上被林建明抽水。