Joey紅牌阿姑挽收視

將推出新碟的天后容祖兒，前晚在電視城連踩三場，連她亦自詡是「紅牌阿姑」。對於《勁歌金曲》收視屢創新低，祖兒拍心口指可當主持，並自度「制服誘惑」救亡。

樂壇天后容祖兒前晚到無綫錄影《勁歌金曲》及《荃灣飛躍五十載》等三個節目，她笑說：「我係『紅牌阿姑』，上多啲當練歌！」對於有傳《勁歌》擬加入糖妹主持谷收視，問到有否獲邀加入？她笑說：「佢哋實有諗過。（驚你太貴？）可能佢哋驚超時，我咁多嘢講！」義字當頭的她，雖然工作繁忙，但亦不介意為《勁歌》任合約主持：「幫到手冇所謂，做得幾多得幾多，我唔係咁計較嘅人！」創意多多的她，又提議節目可大搞如制服誘惑等主題，全面年輕化。

陳美詩谷行事業線

此外，將推出廣東專輯《Joey & Joey》的她透露，已有逾兩年沒有推出大碟，故是次參與更多幕後創作，並告別失戀情歌，唱出快樂人生，難怪她直言這張大碟「很容祖兒」。

另一邊廂，與祖兒同樣錄影《荃》的陳美詩，罕有地谷行「事業線」，問到是否趁男友孫耀威出埠宣傳「作反」？她笑說：「各有各反啦！我都冇問佢准唔准o架！」並揚言恨接泳衣及內衣騷吸金，擺明當男友冇到！至於會否擔心老孫周圍飛有艷遇？美詩直言未驚過：「Fans會喺微博直擊佢一舉一動！」