超雲御准山聰拍親熱戲
賭王何鴻燊千金何超雲和男友陳山聰翹手出席Valentino全球首間男裝專門店開幕活動。超雲換上新髮型，山聰連聲讚「好靚」，超雲則說：「佢咁叻！我唔使幫佢搞形象！」對於山聰將與高海寧拍劇，問到會否擔心有親熱戲而呷醋？超雲多次說：「我唔識邊個係高海寧。」山聰補充是沒有親熱戲，超雲亦稱不會禁止男友拍親熱戲。她又透露現暫停學業：「媽咪話想有個信得過嘅屋企人幫手做生意。（結婚計劃？）咁悶㗎？次次都問呢啲，唔會諗住。」問到活動酬勞加價至十萬元，山聰則稱不方便談。
對於無綫出現挖角潮，山聰表示暫未有人接觸，至於會否是生力軍被力捧？超雲搶答：「吓？佢仲算新？唔係啩？我希望佢前景愈來愈好！」同場的陳法拉表示與公司還有合約，未收過挖角電話，問到想加人工或攞視后？她說：「加人工實際啲，視后未必攞到。」
超雲換上新髮型，被陳山聰連聲讚靚。
陳法拉表示未收過挖角電話，只渴望加人工。