羅仲謙SMS講生日快樂
羅仲謙昨日出席活動時揚言，未睇過舊愛Theresa的「懺悔信」，更指前女友並不白癡，問到是否已原諒Theresa？他指公司不准講：「佢生日抒發吓啫！唔好咁敏感，我會傳短訊祝佢生日快樂。（寫道歉信好正常？）交畀公司處理。（係咪和好？）公司唔畀講。（佢懺悔？）我做好自己工作。（你好似傅穎咁懺悔？）自己做好自己工作先。（傅穎冇工作做會幫佢？）公司去處理。（公司原諒佢未？）要問公司。（公司幫你多啲？）唔覺，公司對每一個演員都咁公平。」此外，區文詩（Angela）透露看過舊隊友Theresa的悔過書後感心噏，覺得對方經歷很多，很慘似的，但帶點寸意地說：「但正面啲嚟講係好事，佢終於明白，希望佢生日快樂。」Angela表示與Theresa以前很少一起玩，故不知其IQ及EQ是否都低：「私事應私人處理，唔使下下同傳媒講。」
羅仲謙表示日後若公司安排，不介意跟Theresa同台。