Madi Ross扮Kawaii甜笑冧港男

「新一代Canon女」Madi Ross雖然是Jessica C.的師妹，但她自言Sell樣多過身材，在港發展行可愛路線，望以甜美笑容冧爆一班港男！

混血模特兒Madi Ross是「警鐘胸」女模Jessica C.（JC）的師妹，她表示行的路線跟JC不同，但視對方為奮鬥目標︰「我覺得佢好成功，我都想同佢一樣多人認識同好多工作，之後我會好努力、積極裝備自己。」雖然Madi不時飛來香港已3年，但她透露最近才長時間逗留香港，並計劃在港發展，問到對香港的印象，她大讚︰「我好鍾意香港，覺得呢度啲環境同人好好。（香港男仔好？）都係呀！哈哈！當然係香港男仔啦！我鍾意香港嘅所有嘢。」

靠靚樣唔Sell身材

JC擁有豐滿身材，而不少模及女星都以事業線作賣點，但Madi自言不會與她們作比較︰「我嘅身材並唔係我嘅賣點，我嘅賣點係我個樣，所以大家冇得比較，同場嘅話我唔介意。」她希望以甜美的樣貌俘虜港男及客戶，揚言要走可愛路線。

此外，問到單身的Madi是否恨拍拖？她笑說︰「有邊個唔想拍拖？香港人都冇所謂，未必一定要靚仔嘅。」但她坦言未有對象，又稱現階段要專注工作，故暫時將感情事放在一旁。

Profile

姓名︰Madi Ross

年齡︰20歲

三圍：32B、24、34

國籍︰中澳混血兒