樂易玲曾勵珍聯手闢謠振軍心
無綫爆發離巢潮，令全城人心惶惶。屢傳不和的無綫兩大高層曾勵珍及樂易玲昨日突然「Friend咗」，接受《東張西望》訪問闢謠，曾炮轟無綫的李國麟亦戲劇性現身「再坐一會」。珍姐表示人手流失屬正常，公司運作亦不受影響，但強調會重新審視制度：「好多同事話一定唔會走！（黎耀祥話編劇人工低？）佢又唔係編劇，點知？傻仔嚟o架！」並承諾一定會加人工。
至於樂易玲力讚TVB是獨一無二：「走訪全世界咁多地方，TVB好獨一無二，乜都有！」還否認馬德鐘及佘詩曼將接拍王維基電視台的劇集，並澄清阿佘是合約演員，不能接拍本港其他電視台的劇集：「馬德鐘份約年底先到期，我哋同佢傾緊轉部頭約，因為佢內地劇一部接一部，但佢都會以無綫為先！」
曾勵珍（前排右起）與樂易玲公開穩定軍心，獲曾醒明（後排右）及李國麟力撐。