Kary夠錢買樓開心到喊

吳雨霏昨日舉行記者會，正式加盟新藝寶，除於11月出碟外，還於明年舉行演唱會，過檔費更圓其買樓夢，難怪開心到灑淚。

吳雨霏（Kary）約滿金牌大風後，昨日正式簽約環球旗下新藝寶，她以白雲短裙Look騷長腿亮相記者會，除即場進行簽約儀式，更宣布其個人網站及國際歌迷會同日成立。現場有歌迷送「K」字燈籠和蛋糕祝賀，而譚詠麟、李克勤、莫文蔚、陳慧琳及謝安琪等多位同門歌手更拍下祝賀短片，令Kary感動得眼濕濕拿紙巾拭淚。席上更首播新歌《我本人》MV，由林子祥兒子林德正（Alex）擔任男主角。Kary表示與Alex早已認識，更笑言喜歡有鬍鬚的男仔，至於親嘴戲欠奉？Kary笑說：「劇情冇需要嘛！」

未敢爭做一姐

至於過檔身價和年期，Kary對年期保密，但以「開心價」形容過檔費：「我收到張支票後好開心！因為未見過咁多個零，阿媽仲笑我係咪開心到喊。（諗住點用？）買咗樓用嚟畀首期。（豪宅？）普通住宅啫！」提到加入新藝寶取代謝安琪一姐地位？她說：「唔好咁講！我都係啱啱加入公司，我好欣賞佢。」