敏之升呢女主角讚志雲好老闆

無綫花旦陳敏之和陳法拉昨日與郭晉安為新劇《東西宮略》試造型，被指屬「志雲派」的敏之飾演夏迎春，問到是否因屬志雲愛將才有此機會？她說：「唔關事，個幾月前已落實。」她大讚志雲是好老闆及朋友：「佢亦係我師傅，教我做司儀，大家冇黨派，都係自己人。」她又賣口乖感謝樂易玲幫她爭取此角色。有指志雲復工對她有利，她說：「冇諗，佢冇事已經好感恩，有SMS問候佢。」至於飾演鍾無艷的法拉，被問到是否屬「志雲派」？她笑說：「我乜派都做過，除咗反派。」而郭晉安則恭喜志雲雨過天青，問到是否同屬「志雲派？」他笑說：「我係屋企派。」此外，昨日法拉拍外景時巧遇偶像周潤發，她把合照上載微博：「發哥站在背後看着我演戲，我努力想集中精神，那個壓力大到啊。」

另外，高海寧昨日為時裝活動擔任模特兒，她表示為志雲罪名不成立感高興。提到樂易玲被指在庭上指證志雲，她說：「唔係指證，係法官要證供，冇衝突嘅。（同邊個熟啲？）兩個都係我上司、我好尊敬嘅人。」