連詩雅Hea歎多倫多咖啡

歌手連詩雅(Shiga)早前到加拿大多倫多登台,百忙中抽空到著名Shopping區購物,寓工作於娛樂的Shiga說:「今次旅程好開心,雖然得幾日時間,但每日都過得好充實。」喜愛邊歎咖啡邊聽歌的Shiga透露每朝都到酒店附近的咖啡店Hea,她說:「簡直係人生最寫意嘅時間,所以每朝都提早一小時起身,飲完咖啡成個人都醒啲,我可以喺咖啡店坐一日,雖然感覺有啲Hea,但真係好輕鬆,我嚟親多倫多都會嚟呢間咖啡店,可以講係情有獨鍾。」Shiga認為在香港壓力很大,加上工作密密麻麻,故很少機會出外「叉電」,她說:「見到大片草地同一舊舊雲,心情都會開心啲,假期都係得一、兩日唔去得遠,好多時留喺屋企陪媽咪同狗仔。」問到此行有否艷遇?Shiga扁嘴說:「冇呀!」

連詩雅每朝都會到咖啡店打躉。

連詩雅到多倫多寫意登台,順道「叉電」。