倪晨曦最Buy金錢雞色「鄉」味

江若琳師妹倪晨曦在多倫多長大,近年回流返港定居在食肆林立的銅鑼灣,但講到搵特色美食,她首選離寓所約十分鐘腳程的「迷你共和國」—大坑,尋找屬於世界各地的獨特味道!

又高又瘦的倪晨曦(Elva)原來相當擦得,最重要是絕無港女通病揀飲擇食,秉承「食得是福」的宗旨踏遍天涯海角尋找佳餚。這位多倫多長大的八十後,雖然自小被漢堡包、薯條及熱狗等快餐食物包圍成長,卻沒有屈服於快餐文化之下,反而激發起她要找其他國家菜「原味」的決心:「其實每個國家都有好多地道食物,就算喺多倫多都會搵到,因為多倫多有好多唔同國家嘅人,識搵嘅話隨時都食到正宗中國、越南、韓國或者日本菜!」

多倫多跟香港同樣有着多族裔文化的特色,現時住在銅鑼灣的Elva,近日反而愛上去大坑搵食!大坑「麻雀雖小、五臟俱全」,短短幾條街就可找到各地菜式的餐廳:「喺多倫多或者外國通常會喺唐人街搵到唔同國家嘅菜,因為嗰度聚集最多來自唔同國家嘅人,估唔到喺香港竟然會喺大坑搵番呢種感覺!」

Elva率先走入中式飯店試食中國菜,祖籍蘇州的她認為中國地大物博,不同省份可食到完全不一樣的家鄉菜,所以甫入飯店,即一口氣點了滿桌家鄉菜,包括乾身深圳荷包雞、荷葉飯、金錢雞、荷香海鮮乾粉絲煲及麻辣海蜇等,每嘗一口,就傳來獨特的家鄉味:「我之前返親內地都會捐窿捐罅搵嘢食,去到當地食嘅味道統統都好獨特,其他地方好難食得番!」各款菜式中,她最欣賞金錢雞:「呢碟係順德菜,已經冇乜地方有得食,上面嗰塊係肥膏,一食落去就喺個口入面溶化,雖然真係好肥,但係真係停唔到口!」

鮮味爆汁蟹鉗

食完中國菜已半飽的Elva急急腳走入一間越南餐廳,分別試了法式海皇湯、外婆雞及鮮茄蟹肉湯檬,法式海皇湯用料十足,廚師每朝親自喺街市揀海鮮,Elva一手拿起蟹鉗,甫入口即肉汁四濺:「個湯加咗茄汁膏、蟹肉膏,之後再放入海鮮,個湯好鮮味,明顯冇落味精!」蟹肉仍未咬完,她已戴上手套向外婆雞進攻,邊撕邊食,瞬間「征服」了半隻雞!外婆雞乃越南鄉下菜,當地會用古老方法炮製,這餐廳卻加入香港口味,Elva認為比越南做法更適合港人:「越南整法隻味太勁,當地人會放入十幾種藥材先再焗,今次呢道菜用荷葉同少許藥材放入焗爐焗,更能食得出隻雞本身嘅鮮味。」

韋芷茵

倪晨曦對家鄉菜情有獨鍾,既可大快朵頤,又可一解思鄉之情。

對住一桌越南美食,倪晨曦拿着蟹鉗已流晒口水!

荷葉飯 $88 (A)

荷香海鮮乾粉絲煲時價(A)

乾身深圳荷包雞$128 (A)

金錢雞$98(A)

清補涼冰 $34(B)