陳偉霆遇妙齡少女「變色」
陳偉霆（William）曾多次「撞邪」，其印象最深刻的是在公路上與透明女鬼互望，嚇得他有段時間不敢出夜街。William憶述當年十多歲的他，有晚和表弟從元朗搭巴士返回九龍區寓所。由於是凌晨時分，巴士上層只得他和身邊已入睡的表弟，百無聊賴的William，惟有望風景打發時間。
途經屯門公路時，William突然被一長髮、身穿白衣的妙齡少女吸引，見「她」呆呆的站在馬路邊，他即拍醒表弟問：「你見唔見到有個長頭髮女仔企喺嗰度呀？」睡眼惺忪的表弟朝住William指的方向望去，答道：「邊有呀？你撞鬼呀？」William不忿氣再捉住表弟說：「你望清楚，嗰度呀！」不料William一望就知出事：「我真係見到個女仔，佢都有望番我，但佢突然『變色』，全個人由灰色變咗透明，我知『賴嘢』啦！」當時他面青口唇白，表示好大風，叫表弟調去另一邊坐。
陳偉霆表示撞鬼後，有段時間不敢再出夜街。
陳偉霆憶述當年撞鬼經歷時仍猶有餘悸。