柚葉洗車除陰氣

阿嬌曾於鬼節晚上在高速公路「撞」鬼，更在滂沱大雨的環境下看見溪錢隨處飄，連堪輿學家李丞責也表示比較罕見：「呢啲情況好少有，可能正值農曆七月十四（鬼節）陰氣重，附近地方亦陰氣重，而佢同司機都時運低，所以全車人只有佢哋見到。（公路上其他司機都見到？）咁又未必！可能佢當時坐嘅車曾經去過一啲陰氣重嘅地方，例如出殯地方，或者農曆七月、清明期間去咗啲唔乾淨嘅地方。（事後阿嬌應該要做咩？）以個人宗教去做一啲令自己安心嘅事，例如去廟宇參拜祈福，或者用柚葉、黃皮葉或柏葉煲水沖身。」

李師傅亦建議司機事後可以用柚葉、黃皮葉或柏葉煲水抹車，在車內掛上辟邪物件：「現時好多人用深色車窗，咁做令車內好陰暗，唔夠陽氣，而戴帽亦會減低陽氣，較容易撞到嘢！」