周柏豪內地簽名會男歌迷肉緊示愛

想不到憑型男Look俘虜萬千少女心的周柏豪亦得男士寵愛！柏豪日前出席內地簽唱會時，有男歌迷公開表白示愛，嚇得他問對方是否肯定沒揀錯人，相當搞笑。

歌手周柏豪日前到內地出席新專輯《本体分裂》廣州及東莞站簽名

會，吸引逾千歌迷捧場，有歌迷為見偶像更通宵排隊，由於廣州站場地狹窄，令部分歌迷被迫站在門口看現場直播。大會安排半百保安控制場面，一身潮Look打扮的柏豪跟歌迷影大合照時，歌迷一擁而上，柏豪即作出呼籲：「唔好推，一陣逐一同大家簽名！」

女歌迷激動嚎哭

有女歌迷取得簽名後激動得嚎哭，嚇得柏豪目瞪口呆，只好輕拍對方安慰說：「唔好咁。」有女歌迷趁機「抽水」，肉緊攬實他，而他亦對歌迷有求必應，難怪拿到簽名握過手的歌迷口震震說：「好開心！佢真係好靚仔！」有男歌迷更向柏豪示愛：「我愛你！」柏豪即笑說：「你肯唔肯定o架？」怎料男歌迷猛點頭，並走近偶像合照。

柏豪笑言想不到自己可以吸納「另類口味」歌迷：「估唔到佢會講出真心話，好勇敢！我都呆咗一呆。（尷尬？）唔會，覺得佢整蠱我多啲！」問到會否擔心歌迷通宵排隊危險？他說：「梗係擔心！知道好多都係女歌迷，不過我問過內地歌迷會，佢哋話係一大班人輪流排，我就放心啲。」