譚小環主動解約求去

已在無綫17年的譚小環，近年因為不是親生女而備受冷待，不甘坐冷板的她決定取回主動權，跟無綫提早解約自救。

前港姐冠軍譚小環在無綫工作了17年，原來數月前已跟無綫解約，回復自由身並向外發展，近年無綫花旦一個接一個離巢，佘詩曼、廖碧兒紛紛北上掘金，小環更主動解約求去，她說：「因為結婚之後，自己身體差咗，可能年紀有番咁上下，捱唔到夜，而且想多啲時間擺喺屋企，老公都叫我休息。」

繼續拍劇

問到是否無綫只捧「親生女」令她心灰意冷，決心另謀高就？小環淡然說：「人之常情，喺無綫10幾年有開心有唔開心，拍過鍾意嘅劇集，依家只係唔捨得一班同事，另一方面亦明白無綫嘅商業決定，擺重機會喺親生仔女身上，自己平常心面對。」小環自嘲已學懂處之泰然，無論做主角或綠葉都可以自尋開心。

小環坦言還未想退休，只要有好的劇本和機會，她依然會接拍：「自己都想過戲癮，有做嘢先唔會Out，唔抗拒拍劇，只係出面啲人覺得我冇嘢做，如果有機會都可以亮相其他電視台，就算無綫都唔介意再合作。」