黃宗澤舐鞋底出蠱惑
黃宗澤（Bosco）在《潛行狙擊》中演蠱惑仔「跛Co」入型入格，為求上位「舐鞋底」也在所不計，又與徐子珊連場「肉搏」，他說：「事前去過砵蘭街實地觀察，『舐鞋底』時都難受o架！但就係要難受嘅感覺，同埋鞋底係黐咗塊透明膠紙，乾淨嘅。」Bosco慶幸與子珊稔熟才避免尷尬。
問到可有信心憑該劇爭「視帝」﹖他說：「爭咩呀！睇觀眾鍾意邊個啦，隨緣啦！要角色好先攞得，唔係畀人插o架！冇得夾硬嚟，有提名已經OK，依家都幾安定，起碼係工作搵你，有得揀工作，我覺得口碑重要過獎。」劇中與Laughing鬥Chok，他稱Chok輸給謝天華：「當然Laughing Chok啲，佢連平時講電話都要Chok嘅。其實Chok呢個字被濫用咗，我哋唔Chok，觀眾又睇唔睇先？」
黃宗澤自問Chok輸給謝天華。
子珊和黃宗澤拍攝《潛》劇的結婚戲份。