蘇頌輝唱歌虐待自己

明珠台節目主持蘇頌輝最近獲賞識演出歌舞劇《Totally Sondheim》，除擔任旁白及演員外，更在舞台上初試啼聲，雖然他笑指聽自己唱歌是懲罰，導演卻大讚有天分。

日前，明珠台節目主持蘇頌輝（Desmond）綵排歌舞劇《Totally Sondheim》，除了擔任旁白外，Desmond還飾演遭店員「折磨」的無辜顧客，Desmond無論演繹震驚或誠惶誠恐的表情，均拿捏準確，難怪導演Glen大讚：「佢好有天分，喺舞台上最難就係做番自己，但係佢做到，而且好自然。」

演而優則唱

角色扮演獲讚賞之餘，在劇中初試啼聲的Desmond，亦被大讚學習能力高，Glen說：「一開始佢可能好多嘢未識，但教完佢點運氣，佢即刻掌握到竅門，排完一日已經有好大進步。」縱然導演盛讚，Desmond仍謙稱歌藝普通：「我平時最多沖涼時會唱吓歌，或者有小朋友做錯嘢，啲朋友會叫我唱歌畀佢哋聽當懲罰！（點解唔好似其他演員咁獨唱？）下次先啦！哈哈！」

擔任司儀工作經驗豐富的Desmond，綵排時將旁白唸得生鬼悅耳，導演也拍掌叫好，問到有否參與撰寫旁白時，Desmond即謙虛地說：「其實主要係導演Glen同佢太太嘅Idea，我只係加好少意見。」