鄭綽芹執二攤禁毒
入行2年的女模鄭綽芹（Emma），最近被睇中拍攝政府的禁毒網劇，自評演技差的她拍攝時狂NG，令全場工作人員不耐煩：「有次喺個冇冷氣嘅禮堂度拍攝，NG咗廿幾三十次，導演冇當面鬧我但黑面，一路拍一路怯，冇冷氣環境差，工作人員一齊熱，大家都唔耐煩。（點慰勞佢哋？）冇呀，點算？講笑話得唔得？」
問到Emma為何被挑選參演？她自覺好運：「之前個模特兒因為檔期做唔到，我係執二攤，我啲戲差到爆，做得好唔自然，大家睇片就知。咬字有問題，9個人講到變9個『淫』。我喺盧森堡出世，喺嗰度讀國際學校，接觸法文同英文多，比較遲接觸廣東話，所以咬字唔正。」雖然演技不合格，但她希望觀眾能收到劇集的禁毒訊息。
鄭綽芹為政府拍攝禁毒網劇，並自爆狂NG連累工作人員。
鄭綽芹表示自己遲接觸廣東話，因讀音問題而頻頻NG。