李冰冰唔急闖荷里活

內地女星李冰冰憑電影《雪花秘扇》揚名荷里活，當大家以為她會效法章子怡趁機闖荷里活時，她直言自己是中國人，不會忘本，會一直支持內地電影！

昨日李冰冰出席國際品牌ANTEPRIMA上海WIREBAG店開幕酒會暨展覽，全程由6、7個保鏢護花，她更獲大會送贈熊貓袋。大會司儀由名模楊崢擔任，而品牌始創人及設計總監Izumi Ogino亦有出席主持大局。

欣賞貝理雅有大志

問到若有荷里活導演接洽會否答允？李冰冰說：「Why Not？有機會不妨一試！我冇諗過係咪去荷里活發展，依家中國整體大環境都好好，中國電影喺國際上愈嚟愈有地位，演員都好出色，我都想參與其中。我係一個中國人，唔會忘本！」

冰冰早前出席英國前首相貝理雅新書發布會，並獲對方盛讚她在《雪》片的演技好。她表示貝理雅跟該片製作人兼富商梅鐸妻子鄧文迪（Wendi）是好朋友：「我見過貝理雅好多次，係Wendi介紹，佢出書我都有捧場。佢係Wendi個女嘅Godfather，有次我睇咗貝理雅寫畀Wendi個女嘅信，睇到佢對世界嘅關懷，好有大志，我好欣賞佢！」另外，同場的楊崢表示是次偕母親一嘗上海美食！