鍾嘉欣唔吼好仔馬浚偉
鍾嘉欣、馬浚偉、葉翠翠及黎諾懿昨日在將軍澳電視城為新劇《當旺爸爸》開廠拜神。鍾嘉欣雖然在劇中男友多多，包括馬浚偉、黎諾懿和蕭正楠，但都沒有咀戲，問到現實中三人是否她的那杯茶，嘉欣說：「佢哋都係好男人！但拍戲還拍戲，我哋冇可能發展，我好公私分明。」飾演女警的她在戲內不時要狂奔，難怪大呻跑到腳痹。
此外，有指葉翠翠大派檸檬拒絕韋家雄追求，她默認此事：「之前拍《4 In Love》，戲裏面佢好鍾意我，佢拍緊嗰陣做番個角色，拍完之後我哋都冇溝通、亦冇約會。」她指並非介意男仔比她矮，只是希望男友是圈外人。
