陳嘉桓搵餅印好友放狗

陳嘉桓（Rose）早前趁放假帶愛犬到公園遊玩，充當「三陪」陪玩陪食陪飲水，連執屎都「撈埋」！而Rose身旁更有一名與她9成相似的女子作伴，同樣漂亮可愛，大可孖住上做高挑版Twins！

雖然Rose工作忙個不停，但她日前趁假期與好友帶同愛犬Zero到沙灘公園玩耍。身穿背心短褲的Rose，與Zero玩得很開心，跑來跑去又在滑梯上玩，調皮的Zero不願郁，Rose在旁拿着零食逗牠，甚有耐性。期間出現「走狗」情況，Rose狼狽地追住愛犬。因天氣炎熱，Rose不忘餵愛犬喝水防中暑，愛心十足！未知是否玩得太開心，Zero突然在公園內大解，身為主人的Rose當然要「出手」清理，遂拿出紙巾執起狗屎，再放入垃圾桶內。

除了陪Zero玩外，Rose在公園內亦不時跟好友談天，其好友無論身高、外形都跟Rose有9成相似，十足孖生姊妹。Rose更到士多買了一些消暑的冰凍片裝菠蘿給好友解渴，其後邊食邊傾，還一起到沙灘看海，相當寫意！在沙灘逗留約半小時，她們便預備坐車回家，但上車前不忘拿起手機合照留念。

冇諗過組高挑版Twins

記者其後致電Rose，她否認同行的好友是親戚：「但好多人都話佢好似我，試過有人打畀我個好朋友，問佢係咪着住運動衫喺灣仔出現過，但佢根本唔會着運動衫，連朋友都認錯我係佢，你話幾似！（搵埋佢組高挑版Twins？）咁又冇，佢對呢行冇乜興趣。」