陳靜Jeana劃清界線
最近有傳許穎（Phoebe）的有米男友有「小三」，她即出招箍仔，而早前陳靜（DaDa）的男友「譚詠麟契仔」王宗堯亦跟楊梓瑤（Carol）「行埋」，DaDa昨日出席寫真集祝捷會時，談到Phoebe被撬仔時說：「吓？又會咁嘅？唔關我事，都係唔講咁多！」至於王宗堯搭上Carol，她笑說：「同佢拍拖係咸豐年歷史啦！就好似睇過嘅書，唔使再睇，都冇嘢睇，咪畀人囉！環保啲，不過佢哋嘅事我唔想涉及！」
至於Phoebe的另一宿敵何佩瑜（Jeana）則懶理此事，並與對方劃清界線︰「我唔識佢哋兩個，而且我呢排好多嘢做好忙，冇時間去理其他人嘅嘢，唔知出面嘅事！」不過她叮囑Phoebe︰「悉隨尊便，閣下自理！」貫徹寸嘴本色！
陳靜表示與王宗堯已是過去式，劃清界線。
Jeana懶理是非，但不忘「醒」宿敵兩句。 （資料圖片）