栢芝受虐片撒網 霆鋒：我唔睇呢啲嘢

張栢芝06年拍下受虐藝術短片，被有心人胡亂堆砌將之與床照事件混為一談！雖然謝霆鋒與她夫妻情已逝，但對於曾同床共枕五年的栢芝慘被魚肉，他昨日亦沒好氣地說：「我唔睇呢啲嘢，香港人，仲有好多好嘢可以寫！」

栢芝一段「被虐」短片近日在網上擴散，更被有心人張冠李戴，與08年驚爆一時的床照事件混為一談。其實短片是栢芝06年為導演楊龍澄（Vernie）拍下的藝術短片，如今被翻出來，更遭亂砌一通，難怪佛都有火，栢芝的經理人Emily亦火速為此澄清。

這些年來，無論栢芝發生各大小事情，總有霆鋒為她遮風擋雨。事過境遷，如今二人正搞離婚，當日為妻全力護航的霆鋒，縱然如今看似事不關己，亦表明沒有看有關報道，但以他向來不平則鳴的性格，對栢芝慘被魚肉，亦忍不住開腔暗諷有心人好做唔做！

搵安志杰陪游水

剛於大前日（上月29日）度過31歲生日的霆鋒，近日難得向內地劇組度了假期返港小休，昨日他拋卻一切煩憂，相約好友兼未來妹夫安志杰游水。下午3時15分，霆鋒離開下榻的栢舍，隨即登上保母車前往四季酒店泳池暢泳，安志杰則一早在車上等候。只見身穿迷彩Tee、架上招牌黑超兼踢拖的霆鋒心情不俗，問到知否栢芝SM片於網上流傳？他起初只說：「唔知！」再問是否往探一對寶貝兒子，他說：「唔係，只係去游水！」

避談會否代出頭

當抵達四季酒店時，霆鋒再被追問短片一事，他終開腔回應，他拍着記者的膊頭說：「我唔睇呢啲嘢，香港人，仲有好多好嘢可以寫！」語畢即跟記者說再見。

至下午5時半，暢泳後的霆鋒在安志杰陪同下離開，問到是否覺得有人想陷害栢芝？他再搭記者膊頭，只說：「都係嗰句，香港人有好多好嘢寫！」問到會否為栢芝出頭？他笑了笑便說：「唔講呢啲嘢喇，唔該晒！」然後便返回栢舍，一直沒有離開。至於栢芝的經理人Emily於微博澄清事件，而英皇則表示不會回應。