畢佬勇救女臨記

荷里活萬人迷男星畢彼特最近正忙於在蘇格蘭拍攝喪屍新片《World War Z》，大前日畢佬見義勇為勇救一名差點被人踐踏的女臨記。

影星畢彼特最近忙於拍攝《World War Z》，據知該片開拍以來不少臨時演員都因場面太激烈而受傷，不少臨記曾在一場戰爭場面中撞傷及擦傷。有片場知情者說：「其中有一個扮士兵嘅臨時演員拍攝期間被一輛行駛中嘅車撞到瞓喺車頭蓋上，好彩佢最後都冇受傷！」

上周四開拍一場有700名臨記參與的群戲，其中一名女臨記滑倒。有指當時正於拍攝的畢佬「諗都唔諗」即時將該名女臨記扶起。片場知情者說：「好多人都因為拍呢場戲受傷，畢佬救回一名跣親嘅女子，我覺得佢唔會相信扶佢起身嘅人係畢佬！」有傳畢佬救人之餘，亦相當專業沒有叫停，繼續拍攝。知情者說：「佢因為仍拍緊戲，所以並冇問過女仔有冇事，個女臨記左膝蓋受傷，事後猛話好彩冇大礙。」

傳計劃結婚

另一邊廂，畢佬女友安祖蓮娜祖莉早前在荷蘭出席被控內戰期間強迫兒童當兵的剛果軍閥Thomas Lubanga的審訊，她前日返倫敦與幾名友人午膳，有指安祖蓮娜與畢佬計劃稍後在法國南部結婚。

此外，盛傳懷孕的畢佬前妻珍妮花安妮絲頓上月以高價售出大宅後，最近在荷里活與影星男友Justin同居。