楊汀叮愛犬護主咬死小強

要數圈中狗癡，楊汀叮絕對是佼佼者！汀叮現時與三隻小狗「共賦同居」，分別是黑金松鼠Pudding、迷你白松鼠Pancake及西施Donut！她笑言三隻小狗各有性格，最成熟的是從寵物店領養的Donut，除了十分遷就另外兩隻狗外，學東西亦最快。最黐身的是Pancake和Pudding，不論汀叮如廁、洗澡或睡覺，兩狗都拚命死跟：「沖涼都唔可以閂門，佢哋會係咁吠。每次我返屋企，佢哋都會成隊軍隊咁衝埋嚟，成日會唔小心整損我啲手腳。」

「十隻手指有長短」，汀叮坦承對三狗有偏心，更銳意為Pudding推出寫真，問到為何如此疼錫Pudding？她笑說：「黑金松鼠好罕有，我搵咗兩年先搵到呢個品種。」談到養狗趣事，汀叮指最近令她印象最深刻的是Pancake捉蟑螂事件：「有日我喺屋企見到曱甴，嚇到係咁尖叫，Pancake見到，即刻英雄救美幫我咬死隻曱甴，我好感動！但係之後我即刻帶佢去沖涼同刷牙，我怕佢會肚痛。」