熱捧Maxi Dress　長裙飄逸 余曉彤

「濕身徐子淇」余曉彤（Hidy）因男友愛好而情迷Maxi Dress，曾在泰國生活的她，除鍾情當地出產的多變款式外，還留意美牌出品的靚Cutting長裙，露背及不規則裙襬款式最得她的歡心。

文：林嘉慈　攝：秦健輝　髮型：Jack@Chin. G

飄逸的Maxi Dress熱潮延續，在今季的國際品牌中隨處可見其芳蹤，不論是Christian Dior的透視誘惑、Chanel的美艷瑰麗、Chanel Cruise的海濱送爽，或是ESCADA beach collection的民族風情，無不令人心動。

「濕身徐子淇」余曉彤（Hidy）被Maxi Dress的時而高貴、時而隨意所俘虜，成為其Die-hard Fans：「超鍾意長裙，出席活動要隆重啲，就揀棉質配高踭鞋，去沙灘游水就揀雪紡多啲，入面簡單咁着件比堅尼，再着拖鞋。」

女為悅己者容，最教她鍾情Maxi Dress的原因，是獲得男友激讚：「男友好鍾意，佢話我着長裙好好睇。本身我好男仔頭，着長裙感覺女仔啲，放把頭髮落嚟，加副太陽眼鏡，更加Girly。」

Cutting獨特搶分

曾在泰國居住的Hidy，勁讚當地的Maxi Dress剪裁繁多，顏色由淨色以至彩色應有盡有，相比民族風氾濫的本地設計，實在有過之而無不及。不過進駐香港的美牌Guess不再局限於Exotic，憑獨特的Cutting成功引起Hidy注目，她說：「黑色露背款式夠特別，Pattern亦比較少見，至於另一條雪紡民族Pattern嘅Maxi Dress都唔錯，雖然雪紡同民族圖案好Common，但裙襬嘅不規則設計搶到唔少分數，一層一層，可以騷到腳嘅線條。」

（a）Guess　（b）b+ab　（c）MAX & Co.　（d）Weekend by Max Mara　（e）Marina Rinaldi　（f）Kookai　（g）i.t