吳浩康箍煲食檸檬

早前跟莊思敏分手後的吳浩康（Deep）寄情工作，自我麻醉，對舊愛仍念念不忘的他，近日積極展開翻撻攻勢，可惜慘食檸檬，Deep傷心地說：「佢話唔好見！」

昨日Deep出席籃球賽時，大方承認想跟前女友莊思敏重修舊好，並自爆對方拒絕見面：「我主動話去探佢，但佢話唔好見！（想翻撻？）有咁諗，不過唔係一個想就得，最緊要溝通。」由於莊思敏曾表示，因為Deep不能給她安全感而分手，Deep承認與對方初相識時仍愛蒲，但近年已修心養性。

Deep強調曾計劃與莊思敏拉埋天窗，更視對方為老婆。問到是否因結婚鬧分歧而分手？Deep說：「可能係其中一個原因。」當問到半夜有否傳「好掛住你」的短訊給莊思敏時，原本滔滔不絕的Deep即收口：「呢啲唔講喇！（有冇絕招？）兩個人溝通係唔需要技巧同招數，但都要有人肯讓步。（你已經讓步？）再處理啦！」

火警即Call舊愛

另外，Deep透露前晚出席酒吧活動時遇上火警，第一時間通知莊思敏。當問到是否因莊思敏性格令他難以忍受才分手？Deep大讚對方是好女仔。而前晚出席慈善時裝展的莊思敏，至截稿前未回覆。