Kelly預告生日有仔陪
樂壇天后陳慧琳（Kelly）昨日以代言人身份，與曾志偉於江蘇出席金至尊開幕儀式。下月13日牛一的Kelly大方透露，屆時會與愛子蝦餃仔及老公一齊過：「咁啱生日前一日係中秋節，一定留喺屋企同家人一齊過，仲會陪蝦餃仔食月餅同玩燈籠，順手慶祝埋生日！」
志偉與Kelly曾於電影中飾演父女，Kelly亦格外珍惜雙方見面機會：「雖然同志偉熟，不過大家都好忙，每次見面都喺活動上，所以次次都好珍惜傾多幾句！」而志偉亦向市民大派禮物：「見到佢哋啲幸福同驚喜表情，令我好開心！最緊要大家開心，同埋滿載而歸！」
