柏豪嘆黐「雲」壞處多
歌手周柏豪前晚出席簽名會，吸引不少粉絲撐場，他亦識做地搭粉絲膊頭影相，有粉絲送上金鉸剪，寓意剪走緋聞及是非！柏豪透露新碟銷量理想，問到是否身價升？他不置可否的說：「自己出糧自己知，買咗車，開支亦多！」問到是否要多謝前緋聞女友何超雲帶旺人氣？他說：「有好有壞，不過我覺得壞多，好似乜活動都關佢事！（多謝佢？）好深嘅問題！我哋已少聯絡，見面會講幾句囉！（講乜呢？）Long Time No See！（唔係祝福佢咩？）面對面會，唔會打電話講，好古怪！」問到是否擔心超雲男友陳山聰會呷醋？他表示不關事：「我唔會諗得咁深入！」
