超雲山聰貼面BBQ
賭王何鴻燊三房千金何超雲自與陳山聰公開戀情後，二人形影不離，前晚在屋企開BBQ燒烤派對，順道介紹男友給一班好友認識。身穿低胸裝的超雲大騷身材，無論與男女友人合照都十分黐身，頭貼男友人背脊，完全不怕山聰呷醋！而山聰亦不執輸，挨在超雲肩膊兼貼面合照，甜到漏！
另一邊廂，山聰將參與李添勝監製的新劇《天梯》，並於下月20日試造型，問到近來山聰得到愛情滋潤而發福，會否影響角色造型？李添勝力撐他絕不影響角色：「佢嘅角色係浮誇商家，身形可肥可瘦。（佢成為未來賭王女婿，會唔會加戲？）唔會加戲！我哋唔會理呢啲新聞，而且劇本已經度好晒！」