栢芝十分鐘速袋三百萬人仔
張栢芝與謝霆鋒自周一宣布協議離婚後，昨日她現身武漢連踩兩場剪綵活動；離婚後首度亮相公開場合的栢芝雖拒絕受訪，但心情極靚，除先後換上牛仔短褲及連身裙外，更向近千名圍觀市民揮手。只逗留10分鐘的栢芝，據知穩袋300萬元人民幣，足證她離婚後一樣「值錢」！活動後，她即趕赴機場飛返寧波趕工，更拍通宵。
對於10分鐘速袋300萬元人民幣，栢芝經理人公司新亞洲娛樂老闆余毓興昨日接受電話訪問時說：「差唔多啦！廣告商好想栢芝幫手，所以出到好高價錢。」另外，有指栢芝有數部電影接洽中，據知其中一部是導演關錦鵬為她度身訂造，權相佑冧莊任男主角，但余毓興指栢芝下半年想抽多點時間陪兒子：「電影方面基本上唔接住，但都要睇下半年嘅工作安排。」
另一邊廂，身處北京的霆鋒繼續為內地劇《下一個奇迹》趕工，在鏡頭前後均大賣Chok樣的他，完成拍攝即面帶微笑與女拍檔說笑，更一度開心至手指指，表現親民。
栢芝到武漢剪綵速袋三百萬人仔，難怪全程心情靚絕。
現場近千名市民圍觀，栢芝在工作人員護送下離開。